Spread the love

માધુરી દીક્ષિત બોલીવુડની એવી એક અભિનેત્રી છે જેણે પોતાના સ્મિતથી લાખોના દિલને ઘાયલ કર્યા છે. દુનિયાભરના લાખો ચાહકો છે જે માધુરીના સ્મિત પર ફિદા છે. દેશભરમાં  લોકો તેને ઘણા નામથી ઓળખે છે. કોઈ તેમને ‘ધક-ધક ગર્લ’ ના નામથી ઓળખે છે, તો કોઈ તેમને ‘મોહિની’ કહે છે.

માધુરી દિક્ષિતનું સ્મિત જ  માત્ર કાતિલ નથી, પરંતુ લોકો તેના ડાન્સ ના પણ કાયલ છે. માધુરી દીક્ષિત એવી જ એક અભિનેત્રી છે કે જેના ચાહકો પાકિસ્તાનમાં પણ  હાજર છે. આજની આ પોસ્ટમાં, અમે તમને વર્ષ 1999 ની  એક કથા કહેવા જઈ રહ્યા છીએ, જેને જાણીને તમે આશ્ચર્યચકિત થઈ જશો.

એવું બન્યું કે વર્ષ 1999 માં ભારત અને પાકિસ્તાન વચ્ચે કારગિલ યુદ્ધ ચાલી રહ્યું હતું. કારગિલનું યુદ્ધ મે મહિનાના પહેલા અઠવાડિયાથી શરૂ થયું અને 26 જુલાઈ સુધી ચાલ્યું. આ યુદ્ધમાં ભારતીય સેનાએ પાકિસ્તાનની સેનાને પરાજિત કરી હતી. 

આ યુદ્ધની ઘણી વાર્તાઓ અને કિસ્સા લોકપ્રિય છે. એમનો એક કિસ્સો ધક ધક ગર્લ માધુરી દીક્ષિત વિશે પણ છે. આ દિવસોમાં કારગિલ વિજય સપ્તાહ ચાલી રહ્યો છે અને આવી સ્થિતિમાં, અમે તમારા માટે એક ખૂબ જ રસપ્રદ વાર્તા લાવ્યા છીએ.

તમને જણાવી દઈએ કે, આ રમુજી વાર્તા ભારત-પાક કારગિલ યુદ્ધ દરમિયાન બની હતી. યુદ્ધ ચાલી રહ્યું હતું ત્યારે ભારતીય સેના મોસ્કો ખીણ પર કબજો કરવા માટે પાકિસ્તાની સેનાને ભગાડી આગળ વધારી રહી હતી. ભારતીય સૈનિકો ઉત્સાહ અને જોશ થી ભરપૂર હતા. ભારતીય જવાનોએ પાકિસ્તાની બંકર પર જોરદાર ફાયરિંગ કરી રહ્યા હતા .

ત્યારે અચાનક જ પાકિસ્તાનના બંકરમાંથી એક સૈનિકનો અવાજ આવ્યો જેણે કહ્યું, “અમને માધુરી દીક્ષિત આપો, અમે જતા રહીશું “. તે સમયે, ભારતીય બટાલિયનના કેપ્ટન વિક્રમ બત્રા પાકિસ્તાની બંકરની સામે જ ઊભા હતા . તેમણે જે જવાબ પાકિસ્તાની સૈનિકને આપ્યો તે ખરેખર રમૂજી હતો.

કેપ્ટન બત્રાએ જોરદાર ફાયરિંગ કરતા કહ્યું હતું કે “વિથ લવ ફ્રોમ માધુરી દીક્ષિત”. કારગિલ યુદ્ધમાં લડનારા સૈનિકોને આજે પણ આ રમુજી ટુચકા યાદ આવે છે. તે દિવસ પછી, માધુરી દીક્ષિત અને કારગિલ યુદ્ધની આ વાર્તા ખૂબ પ્રખ્યાત થઈ. તો આજે પણ જ્યારે કારગિલ યુદ્ધની વાત આવે છે ત્યારે આ ટુચકો આપમેળે જીભ પર આવે છે.

તમને કહી દઉં કે , વિક્રમ બત્રાની બહાદુરીની વાતો ફક્ત ભારતમાં જ નહીં પણ પાકિસ્તાનમાં પણ પ્રખ્યાત છે. પાકિસ્તાની સૈનિકો પણ વિક્રમ બત્રાની પ્રશંસા કરતાં થાકતા નથી. 1997 માં, વિક્રમ બત્રા 13 જેએકે  રાઇફલ્સમાં લેફ્ટનન્ટ તરીકે આર્મીમાં જોડાયા . બે વર્ષમાં જ તે સેનાના કેપ્ટન બન્યા .

પાકિસ્તાની સૈન્યમાં, વિક્રમ બત્રા ‘શેર શાહ’ એટલે કે સિંહોના કિંગના નામથી પ્રખ્યાત હતા. સમાચારો અનુસાર કરણ જોહર વિક્રમ બત્રાની બાયોપિક બનાવવાની તૈયારી કરી રહ્યો છે. તમને જણાવી દઈએ કે, કારગિલના યુદ્ધમાં સૌથી ખતરનાક માનવામાં આવતા પોઇન્ટ 5140 ને  પાકિસ્તાનીઓની ચુંગલમાંથી મુક્ત કરાવ્યો  હતો.

LEAVE A REPLY

Please enter your comment!
Please enter your name here